Дар доираи тадбирҳои ҷашнӣ ҷиҳати сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон ва татбиқи Даҳсолаи байналмилалии амал «Об барои рушди устувор, солҳои 2018-2028» дар шаҳри Турсунзода тадбирҳои экологӣ аз қабили хуррамгардониву ободонӣ, баргузории аксияҳои тозагии маҳал ва соҳилу роҳ дар ҷараён аст.

Имрӯзҳо дар маркази шаҳри Турсунзода дар ин самт корҳо вусъати тоза гирифта, дар баробари бунёди иншоотҳои ҷашнӣ, корҳои ободонӣ, таъмири роҳу ҷӯйборҳо низ муташаккилона идома доранд. Роҳсозону фаъолони шаҳр дар ҳамкорӣ бо мутахассисони шуъбаи ҳифзи муҳити зисти шаҳр бо мақсади таъмини тозагии муҳити зист ва соҳили ҷӯйборҳои шафати роҳҳои автомобилгард тоза намудани ҷӯйборҳои кӯчаи ба номи Бобоҷон Ғафуровро амалӣ ва ҷиҳати ободонии кӯча насби ҷӯйборҳои бетониро роҳандозӣ намуда истодаанд. Тибқи нақша дар ин мавзеъ 1000 метр ҷӯй тоза ва дар он ҷӯйборҳои бетонӣ насб карда мешаванд.