19 июли соли 2021 вохӯрии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон бо роҳбари навтаъини Барномаи Озуқавории Ҷаҳонӣ дар Ҷумҳурии Тоҷикистон (БОҶ) ҷаноби Адҳам Мусаллам баргузор гардид.

Дар ҷараёни мулоқот, масоили марбут ба лоиҳаи грантӣ «Таҳкими устувории ҷомеаҳои осебпазир ва озуқаворӣ нисбат ба тағйирёбии иқлим тавассути баланд бардоштани иқтидор ва диверсификатсияи воситаҳои зиндагӣ дар минтақаҳои кӯҳии Тоҷикистон», ки аз ҷониби Фонди Иқлими Сабз маблағгузорӣ мешавад, баррасӣ гардид.

Раиси Кумита Шерализода Б. А. роҷеъ ба корҳои анҷомдодашуда ва вазифаҳои минбаъдаи БОҶ дар Ҷумҳурии Тоҷикистон сухан ронда, диққати намояндагони ташкилоти болозикрро ба амалӣ шудани чорабиниҳои ба нақша гирифташуда ҷалб намуд.

Ҷонибҳо ба мувофиқа расиданд, ки барои амиқтар намудани ҳамкорӣ байни Кумита ва БОҶ дар соҳаи ҳифзи муҳити зист ва тағйирёбии иқлим дар доираи барномаи мазкур ва ташаккули иқтидори он дар оянда кӯшиш ба харҷ хоҳанд дод.

Вохӯрии дуҷониба дар фазои якдигарфаҳмӣ баргузор гардид ва тарафҳо роҷеъ ба масъалаҳои баррасигардида ба мувофиқа расиданд.