Ифтитоҳи бинои маъмурии бахши ҳифзи муҳити зисти ноҳияи Хуросони вилояти Хатлон аз тарафи роҳбарияти олии кишвар

29 октябри соли 2021 бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  бахши ҳифзи муҳити зист дар ноҳияи Хуросони вилояти Хатлон мавриди истифода қарор дода шуд. 

Бино 2 ошёна буда, бо тамоми лавозимоти кории замонавӣ муҷаҳҳаз гардонида шудааст. Масоҳати умумии бино 180 м2-ро дар бар мегирад ва дар майдони 0,07 гектар бунёд гаштааст. 

Дар ошёнаи якуми бино даромадгоҳи асосӣ 4 утоқҳои корӣ, дар ошёнаи дуюм пештолор, қабулгоҳ, утоқи кории сардор ва маҷлисгоҳ ҷой гирифтаанд. 

Бино аз  даромадгоҳи асосӣ, утоқҳои корӣ,  пештолор (фойе), қабулгоҳ,  утоқи сардор, ҳаммом, ҳоҷатхона, ҳавз барои оташхомӯшкунӣ   ва майдони кабудизоркунӣ иборат мебошад.