Тозакориҳо дар шаҳри Ҳисор

Дар асоси дастуру супоришҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва иқдомҳои Мақомоти иҷроияи ҳокимияти давлатии шаҳри Ҳисор баҳри муҳайё намудани фазои тозаи экологӣ дар ҳудуди шаҳри Ҳисор ҳашари умумишаҳрӣ ташкил ва баргузор гардид.

Дар маъракаи мазкур беш аз 600 нафар кормандони касбу кори гуногун ва сокинони шаҳр фаъолона иштирок намуда, ба корҳои ободонӣ, кабудизоркунӣ, тоза намудани шоҳроҳи Душанбе-Ҳисор-Турсунзода аз ҳаргуна партовҳо ва алафҳои бегона, нарм намудани бехи гулӯ дарахтон машғул шуданд. Инчунин аз ҷониби кормандони шуъба ҳавлии назди бинои ба шуъба алоқамандро нарм намуда, аз алафҳои бегона тоза намуданд.

Дар натиҷа 8 м³ партовҳо ҷамъоварӣ ва ба партовгоҳи расмии шаҳр интиқол дода шуданд.