Мавриди истифода қарор додани бинои маъмурии бахши ҳифзи муҳити зист

Дар доираи сафари кории Сарвазири Ҷумҳурии Тоҷикистон бинои маъмурии бахши ҳифзи муҳити зисти ноҳияи Муъминобод баъди азнавсозӣ мавриди истифода қарор дода шуд. Дар назди ҳозирин Сарвазири мамлакат иброз дошт, ки бахши ҳифзи муҳити зист то ин замон бинои маъмурии худро надошт.

Бо сиёсати созандаи Сарвари давлат муҳтарам Эмомалӣ Раҳмон дар сартосари кишварамон корҳои созандагию ободкорӣ дар давоми 30 соли Истиқлолияти давлатӣ роҳандозӣ гардид.

Маълумот дода шуд, ки азнавсозии бинои маъмурии бахши ҳифзи муҳити зисти ноҳия дар соли 2021 оғоз гардида, апрели соли 2022 ба анҷом расидааст.

Бинои мазкур бо тарҳи муосир ва сифати баланд бунёд гардида, дар кӯчаи И.Сомонии Ҷамоати шаҳраки Муъминобод ҷойгир мебошад. Дар он барои кормандон тамоми шароити корӣ фароҳам оварда шуда, ба симои шаҳрак ҳусни зебо илова намудааст.