Вохӯрии муовини якуми раиси Кумита бо ҳайати вакилони Ҷумҳурии Озарбойҷон

8 июни соли 2022 дар доираи Конфронси 2-юми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» вохӯрии муовини якуми раиси Кумитаи ҳифзи муҳити зисти назди Ҳукумати Ҷумҳурии Тоҷикистон Қиёмзода Зарафо Суфиҷон бо муовини вазири экология ва захираҳои табиии Ҷумҳурии Озарбойҷон Вугар Каримов баргузор гардид.

Дар ҳошияи ин мулоқот ҷонибҳо масъалаҳои назорати истифодаи оқилонаи захираҳои табиӣ, коркарди партовҳо ва мавзеъҳои табиии махсус ҳифзшавандаро баррасӣ карданд.

Масъалаҳои манъи истифодаи халтаҳои полиэтилении то 15 микрон ва нобудсозии лампаҳои симобдо низ мавриди таваҷҷуҳ қарор гирифт.

Дар мулоқот ҷонибҳо оид ба имзои Ёддошти тафоҳум байни Кумитаи ҳифзи муҳити зисти назди Ҳукумати Ҷумҳурии Тоҷикистон ва Вазорати экология ва захираҳои табиии Ҷумҳурии Озарбойҷон ибрози назар карданд.