Баргузории машварати миллӣ оид ба густариши сиёсати иқлимӣ дар Осиёи Марказӣ                                    

Санаи 8 июни соли равон дар толори маҷлисии меҳмонхонаи “Руми”-и шаҳри Душанбе “Машварати миллӣ оид ба ба густариши сиёсати иқлимӣ дар Осиёи Марказӣ” бо иштироки намояндагони вазорату идораҳо, мутахассисони соҳавӣ баргузор гардид. Чорабинии мазкур дар доираи амалигардонии Марҳилаи II Лоиҳаи “Амалҳои сиёсӣ оид ба таъмини бехатарии иқлим дар Осиёи Миёна” бо дастгирии Барномаи рушди СММ (UNDP) ва Вазорати корҳои хориҷии Британияи Кабир оид ба ҳамкорӣ ва рушд (FCDO) дастгирӣ ёфт.

Чорабиниро бо сухани ифтитоҳӣ намояндаи Кумитаи ҳифзи муҳити зист Ҷураев Абдусалим кушоданд. Дар рафти суханронӣ Ҷураев А. сиёсати Ҷумҳурии Тоҷикистонро нисбат ба масъалаи тағйирёбии иқлим, чораҳои амалишаванда ва нақшаҳо гуфта гузаштанд.

Дар рафти чорабинӣ аз ҷониби коршиносони байналмиллалӣ Сара Оптиз-Стэплтон ва Викрам Панвар натиҷаҳои татқиқоти вобаста ба “Идоракунии хатарҳои иқлимӣ барои ҳифзи Ҳадафҳои энергияи сабз: бозёфтҳои асосӣ ва тавсияҳо” ва “Имкониятҳо ва манфиатҳои муштараки гузариш ба иқтисоди камкарбон дар Точикистон” баррасӣ гардиданд.

Баъд аз баррасии масьалаҳои болозикр муҳокимаи озод ва саволу ҷавобҳо сурат гирифт.