Чораҳои амалӣ оид ба қонунвайронкунии самтҳои ҳифзи муҳити зист дар ноҳияи Дӯстӣ                                         

   Бахши ҳифзи муҳити зист дар ноҳияи Дӯстии вилояти Хатлон оид ба пешгирӣ намудани оташзании пояҳои даравкардашудаи гандум чораҳои мушаххас андешида, дар байни хоҷагидорон корҳои фаҳмондадиҳиро тақвият медиҳад.

Бо вуҷуди ин, ҳафтаи сипаришуда барои таъсири манфӣ расонидан ба муҳити зист нисбати  3 нафар хоҷагидорони инфиродӣ бо моддаи 231 Кодекси   ҳуқуқвайронкунии маъмурии  Ҷумҳурии Тоҷикистон чораҳои қонунвайронкунӣ татбиқ гашта, ба ҳар кадом аз онҳо 3 нишондиҳанда ҷарима пешбинӣ гардид.

Бояд қайд кард, ки хоҷагидорони номбурда ба ҳавои атмосфера ва ба дигар организимҳои зинда, ки дар майдонҳои кушод ҳаёт ба сар мебурданд,  таъсири манфӣ расониданд.