Мизи мудаввар дар мавзуи “Маблағгузории иқлимӣ ва ҷалби бахши хусусӣ дар ҳалли масъалаҳои тағйирёбии иқлим                                           

24 июни соли ҷорӣ бо иқдоми Кумитаи ҳифзи муҳити зисти назди назди Ҳукумати Ҷумҳурии Тоҷикистон, дар ҳамкорӣ бо Барномаи рушди СММ ва Дафтари Британияи Кабир оид ба рушд дар Осиёи Марказӣ дар меҳмонхонаи “Ҳайятт Реҷенси” ш. Душанбе мизи мудаввар баргузор гардид.

Дар чорабинии мазкур ҳайати роҳбарикунандаи вазорату идораҳои марбута, ҳамоҳангсозон, коршиносони байналмилалӣ ва шарикони рушд иштирок намуда, масъалаҳои маблағгузории иқлимӣ, рушди технологияҳои сабз, рушди нақлиёти дар сатҳи сифр “Партов” (СО₂), “Барномаи кишварии сармоягузории Фонди иқлими сабз барои солҳои 2022-2025 дар Тоҷикистон”, талаботи Фонди иқлими сабз оид ба интихоби лоиҳаҳо ва дигар паҳлуҳои вобаста ба мавзуъҳои болозикр баррасӣ гардиданд.

Дар чорабинӣ намояндагони соҳавӣ, раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон, сафири фавқулода ва мухтори Подшоҳии Муттаҳидаи Британияи Кабир ва Ирландияи Шимолӣ дар Ҷумҳурии Тоҷикистон Тим Ҷонс, намояндаи доимии Барномаи рушди СММ сухани ифтитоҳӣ намуданд.

Аз ҷумлаи баромадкунандагон, ҳамзамон коршиноси байналмилалӣ оид ба маблағгузории иқлимӣ, коршинос оид ба масъалаҳои Фонди Иқлими Сабз ва роҳбари маркази татбиқи лоиҳаҳои сармоягузории Кумитаи ҳифзи муҳити зисти назди Ҳукумати Ҷумҳурии Тоҷикистон дар мавзуъҳои марбута шунида шуд.

Ҳадаф аз чорабинӣ ин муаррафӣ намудани имкониятҳои дастарасии вазорату идораҳои дахлдор, бонкҳои тиҷоратӣ ва бахши хусусӣ ба сарчашмаҳои гуногуни маблағгузорӣ аз фондҳои махсуси иқлимӣ (грантҳо ва қарзҳои имтиёзнок) барои татбиқи лоиҳаҳои афзалиятноки миллӣ дар самти мутобиқшавӣ ва коҳиш додани таъсири манфии тағйирёбии иқлим, инчунин коҳиш додани ихроҷи газҳои гулхонагӣ тавассути ҷорӣ намудани технологияҳои аз ҷиҳати экологӣ тоза мебошад.