Баргузории аксияи «Тозагии соҳил» барои бартараф намудани партовҳои ғайрирасмӣ дар ноҳияи Рӯдакӣ                                                       

Тибқи фармоиши раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва қарори раиси ноҳияи Рудакӣ аз 21 январи соли 2022, №98, 23 июли соли 2022 дар деҳаи Истиклол-2 ҷамоати шаҳраки Мирзо Турсунзодаи ноҳияи Рӯдакӣ аксияи “Тозагии соҳил» гузаронида шуд.

Дар рафти баргузории аксияи мазкур сармутахассиси Раёсати назорати давлатии истифода ва ҳифзи захираҳои об Умонов Н. ва муовини сардори Маркази ахбори экологӣ, тарғибот ва барномасозии компютерии Кумита Сангов И. иштирок намуданд.

Иштирокдорони аксия беш аз 40 нафар сокинони деҳаи Истиқлол-2 буда, 150 метр соҳили дарёи Кофарниҳон, аз ҷумла бо ҷалби техникаи махсус (мехлопата) аз партовҳои маишӣ тоза карда шуда, ба миқдори 4 метри кубӣ партовҳо ба партовгоҳи расмии ноҳия интиқол гардиданд.