Баргузории аксияи “Тозагии маҳал” дар ноҳияи Дӯстӣ                                                      

Дар асоси фармоиши раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва нақша чорабниҳои Сарраёсати ҳифзи муҳити зист дар вилояти Хатлон ба ифтихори ҷашни таърихии миллат, 31-умин солгарди Истиқлолияти давлатии Ҷумҳурии Тоҷикистон бо ибтикори бахши ҳифзи муҳити зисти ноҳияи Дӯстӣ дар назди ташкилоту идораҳо, кӯчаҳо ва хонаҳои истиқоматии сокинони ноҳия аксияи “Тозагии маҳал” доир карда шуд.

Дар ин чорабинӣ наздики 400 нафар кормандони ташкилоту муассисаҳои ноҳия, сокинони касбу кори гуногун иштироки фаъол намуда, бо ҳисси баланд дар ҳифзи муҳити зист саҳни корхонаву такшилотҳо, кӯчаву шоҳроҳ ва роҳравҳоро аз партов ва алафҳои бегона тозаву озода намуда, ҳамзмон бехи дарахтонро пурра сафед намуданд.

Бо доир кардани чунин аксияҳо метавон дар ободӣ ва шукуфоии Ватани азизу маҳбуб-Тоҷикистони соҳибистиқлол саҳм гузошта, дар тарбияи маънавии насли наврас дар руҳияи дӯст доштани табиат саҳми муносиб гузошт.