Табодули донишҳо миёни мутахассисони шӯъбаҳои ҳифзи муҳити зист дар шаҳрҳои Норак, Ваҳдат, Турсунзода ва рӯзноманигорони маҳаллӣ

                                                                             

Рӯзҳои 21-22 августи соли ҷорӣ дар шаҳри Турсунзода, дар доираи лоиҳаи “Муҳити зистро ҳифз менамоем, ки он гарави саломатии инсонҳост” дар ҳамкорӣ бо Маркази Орхус ва Корхонаи воҳиди давлатии истеҳсолии илмии “Табиат”-и Кумитаи ҳифзи муҳити зисти назди Ҳукумати Ҷумҳурии Тоҷикистон ва ташкилоти ҷамъиятии “Хуршед” бо ҷалби мутахассисони шуъбаҳои ҳифзи муҳити зист дар шаҳрҳои Ваҳдат, Норак, Турсунзода ва рӯзноманигорони маҳаллӣ тренинги омӯзишӣ баргузор гардид.

Зимни баргузории тренинги омӯзишӣ мутахассисони ҷавони шуъбаҳои ҳифзи муҳити зист дар шаҳрҳои болозикр бо рӯзноманигорони маҳаллӣ-ТВ “Регар”, нашрияҳои “Нури Норак” мушкилоти минтақаҳояшонро баён намуда, тасмим гирифтанд, ки бо мақсади таъмин намудани бехатарии муҳити зист ва ҷалби сокинони шаҳрҳои Ваҳдат, Норак ва Турсунзода аксияҳои муҳитизистӣ баргузор намоянд.

Дар иҷрои ин кор рӯзноманигорони маҳаллӣ бояд бо мутахассисони шуъбаҳои муҳити зист ҳамкорӣ намуда, натиҷаашро тавассути нашрия ё телевизиони маҳаллӣ инъикос намоянд. Мутахассисони ташкилоти ҷамъиятии “Хуршед” бо Маркази Орхус ва КВД ИИ “Табиат”-и Кумита дар аксияҳои муҳитзистие, ки аз ҷониби шуъбаҳои ҳифзи муҳити зист дар шаҳрҳои болозикр баргузор мегарданд, иштирок намуда, ба фаъолияти онҳо баҳогузорӣ мекунанд ва беҳтарин шуъба аз тарафи ташкилоти ҷамъиятии “Хуршед” бо кумаки моддӣ ҳавасманд мегарданд.