Ташкилоти озуқаворӣ ва кишоварзии Созмони Милали Муттаҳид (ТОК СММ) санаи 24-25 августи соли 2022 дар доираи чорабиниҳои лоиҳаи дуюми омодагӣ дар меҳмонхонаи «Хилтон» семинарҳои бисёрҷониба дар ҳамкории зич бо Кумитаи ҳифзи муҳити зисти назди Ҳукумати Ҷумҳурии Тоҷикистон доир гардид..

Лоиҳаи мавриди назар барои беҳтар кардани гузориш дар бораи коҳиши партобҳои газҳои гармхонаӣ ва баланд бардоштани дониши ҷонибҳои манфиатдор саҳм мегузорад. Аз дигар ҷиҳат лоиҳа таъсиси системаи мониторинг ва арзёбиро барои пайгирии амалҳои иқлимӣ барои дастгирии татбиқи Саҳми дар сатҳи миллӣ муайяншуда дастгирӣ мекунад.

Ҷаноби Олег Гучгелдиев, Намояндаи ТОК дар Тоҷикистон, аҳамияти Барномаи кишварии Фонди иқлими сабз барои солҳои 2022-2027-ро барои ҷалби маблағгузории иқлим ба кишвар ва иҷрои ӯҳдадориҳои кишвар дар муқобили созишномаи Париж ва саҳм гузоштан ба татбиқи ҳадафҳои ин кишвар, ки дар ҳуҷҷати Стратегияи миллӣ инъикос ёфтааст, қайд кард.

Бо дарназардошти он ки масъалаи тағйирёбии иқлим дар сатҳҳои гуногуни кишвар баррасӣ мешавад, дар чорабинӣ намояндагони созмонҳои гуногуни миллӣ ва байналмилалӣ, ки дар раванди таҳия ва татбиқи тадбирҳои иқлим фаъолона иштирок мекунанд, ширкат варзиданд.

Муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон Абдулқодир Мавлодод зарурияти нишон додани вокуниши чорабиниҳоро ба ниёзҳои кишвар ва дастгирии раванди татбиқи Стратегияи миллии мутобиқшавӣ ба тағйирёбии иқлим то соли 2030 ва миёнамӯҳлат қайд намуд.

Лоиҳаи Омодагӣ як қисми маҷмӯи ташаббусҳоест, ки аз ҷониби ТОК барои дастгирии Мақоми ваколатдори миллӣ пешбарӣ шудааст. Соли гузашта ТОК кишварро дар таҳкими ҳуҷҷати Саҳми дар сатҳи миллӣ муайяншуда ва таҷдиди ҳадафҳои кишвар бо ҷалби шарикони рушд бомуваффақият дастгирӣ намуд, ки аз ҷониби Ҳукумати Тоҷикистон тасдиқ ва дар COP26 дар Глазгои Шотландия муаррифӣ шуд. ТОК саҳмгузориро дар талошҳои Тоҷикистон барои коҳиш додани партовҳои миллӣ ва мутобиқшавӣ ба таъсири тағйирёбии иқлим идома хоҳад дод.