Ғолибияти дастаи футболи Кумита дар мусобиқа байни вазорату идораҳо                                                                              

Кумитаи ҳифзи муҳити зисти назди Ҳукумати Ҷумҳурии Тоҷикистон оид ба таҳкими тарзи ҳаёти солим, ҷалби кормандон, аз ҷумла ҷавонон ба варзиш ва солимгардонӣ бо Кумитаи ҷавонон ва варзиши назди Ҳукумати Ҷумҳурии Тоҷикистон ҳамкории зич дошта, кормандони Кумита дар кулли аксари чорабиниҳои дастаҷамъона фаъолона иштирок менамоянд.

Дар пайи чунин ҳамкориҳо санаи 25 августи соли 2022 дар майдончаи варзишии футболи хурди Варзишгоҳи ҷумҳуриявии шаҳри Душанбе, ҷиҳати иҷрои супориши Роҳбари Дастгоҳи иҷроияи Президенти Ҷумҳурии Тоҷикистон мусобиқаи варзишӣ оид ба футболи хурд миёни кормандони вазорату кумитаҳо ва ташкилоту муассисаҳо, кормандони Кумитаи ҳифзи муҳити зисти назди Ҳукумати Ҷумҳурии Тоҷикистон бо кормандони Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон баргузор гардид. Дар нитиҷа бозӣ бар ҳисоби 5:1 ба нафъи дастаи Кумитаи ҳифзи муҳити зисти назди Ҳукумати Ҷумҳурии Тоҷикистон анҷом ёфта, дастаи мазкур ғолибиятро ба даст овард.

Кормандони мақомоти ҳифзи муҳити зист солҳои қаблӣ низ дар чунин чорабиниҳои варзишии сатҳи баланд иштирок намуда, ғолибият ба даст овардаанд.