Аксияи “Тозагии роҳ” дар ноҳияи Фархор                                                                          

Дар асоси фармоиши раиси Кумитаи хифзи муҳити зисти назди Ҳукумати Ҷумҳурии Тоҷикистон ва Амри раиси ноҳияи Фархор 27 августи соли 2022, баҳри тозаву озода нигоҳ доштани роҳҳои автомобилгарди ҳудуди ноҳия бо иштироки кормандони ташкилоту муассисаҳои ноҳия аксияи “Тозагии Роҳ-2022” гузаронида шуд.

Дар аксияи мазкур зиёда аз 300 нафар кормандони касбу кори гуногун иштирок намуданд. Дар аксияи иштирокдорон ба тоза намудани роҳи автомобилгарди Фархор-Кӯлоб машғул шуданд. Дар натиҷа бо ҳаҷми 5 м³ партовҳо ҷамъоварӣ гардида, ба партовгоҳи ноҳиявӣ интиқол дода шуданд.

Чунин аксияҳо дар тамоми ҷамоатҳои шаҳраку деҳоти ноҳия идома дорад.