Маҷлиси тантанавӣ бахшида ба Рӯзи забони давлатии Ҷумҳурии Тоҷикистон                                                                                                  

5 октябри соли 2022 дар толори маҷлисгоҳи Кумитаи ҳифзи муҳити зисти назди Ҳукумати Ҷумҳурии Тоҷикистон бахшида ба Рӯзи забони давлатии Ҷумҳурии Тоҷикистон маҷлиси тантанавӣ баргузор гардид. Шукуров Исфандиёр сардори Раёсати мониторинг, сиёсати экологӣ, обуҳавошиносӣ ва кадстр аз номи раиси Кумита Шерализода Баҳодур Аҳмадҷон бо сухани муқаддимавӣ баромад намуда, Рӯзи забони давлатиро ба кормандони Кумита табрику таҳният гуфт.

 Зимни сухани табрикотӣ қайд гардид, ки забони тоҷикӣ ба ҳайси забони давлатӣ дар Ҷумҳурии Тоҷикистон мавқеи асосӣ дошта, яке аз рукнҳои асосии давлатдорӣ ба ҳисоб меравад ва аз ҷониби роҳбарияти давлату Ҳукумат, махсусан Президенти Ҷумҳурии Тоҷикистон, Пешвои муаззами миллат муҳтарам Эмомалӣ Раҳмон мавриди дастгирии ҳамешагӣ қарор гирифтааст, барои бою ғанӣ, оммафаҳму шево шуданаш мунтазам чораҳои давлатӣ андешида мешаванд.

Дар охири маҷлис алоҳида кормандони алоҳида бо суханони табрикотӣ баромад намуда, қайд карданд, ки ҳар як корманди Кумита, бахусус хизматчиёни давлатӣ, барои тоза нигоҳ доштани забон, риояи қоидаҳои имлои забони тоҷикӣ, баланд бардоштани сатҳи забондонии худ бояд низ кӯшишу ғайрат кунанд, дар баробари ин забонҳои хориҷиро, махсусан русию англисиро омӯзанд, дар рушди соҳа, тараққиёти минбаъдаи Ватанамон саҳми арзандаи худро гузоранд.