Баргузории аксияи тозагии роҳҳо дар ноҳияи Мурғоби ВМКБ                                                                                                            

Мурғоби ВМКБ яке аз ноҳияҳои дурдасттарин дар ҷумҳурӣ мебошад, ки баҳораш дер ва зимистонаш зуд меояд. Аммо бо вуҷуди ин ҳама сардиҳое, ки дар фасли зимистон дар ноҳияи мазкур ҳукумрон аст, мардумаш бо дили гарму иродаи қавӣ аз пайи ободонию созандагӣ ва тозаю озода нигоҳ доштани ҳудуди ин ноҳия мекӯшанд.

Чанде қабл бо иқдоми Мақомоти иҷроияи ҳокимияти давлатии ноҳия ва шуъбаи ҳифзи муҳити зист дар ноҳияи Мурғоб аксияи тозагии роҳҳо баргузор гардид, ки сокинони маҳал дар ин кори ҷамъиятӣ фаъолона иштирок намуданд.

Дар натиҷа партовҳои пластикӣ ва резинӣ, ки дар роҳҳо ва гирду атроф мавҷуд буданд, дар автомобилҳои боркаш бор карда шуда, ба партовгоҳи ноҳиявӣ интиқол дода шуданд.

Чунин ҳашару аксияҳо мудом дар ноҳияи Мурғоб ташкил ва гузаронида шуда, сокинон саҳми худро баҳри беҳдошти муҳити зист ва дар маҷмӯъ, ободонии ноҳия мегузоранд.