Теа Ҷалиашвили: “Соли 2023 вохӯрии солонаи Марказҳои Орхус дар шаҳри Душанбе баргузор хоҳад шуд”

                                                                                                                        

Рӯзҳои 19-20 октябр дар шаҳри Венаи Австрия вохӯрии ҳамоҳангсозии  Марказҳои Орхус баргузор шуд. Ёдовар бояд шуд, ки дар 14 кишвари ҷаҳон 60 Марказҳои Орхус фаъолият менамоянд.

САҲА бо дастгирии фаъолияти Марказҳои Орхус барои бевосита иҷро намудани уҳдадориҳои кишварҳои иштирокчӣ дар назди конвенсияи Орхус, ҳамзамон оид ба иҷроиши бандҳои 6,7, 11 ва 16 Ҳадафҳои рушди устувор то соли 2030 мусоидат менамояд.

Иҷрокунандаи вазифаи роҳбари дафтраи Барномаи САҲА дар Душанбе, хонум Теа Ҷалиашвили зимни баромади худ тариқи маҷозӣ дар вохӯрии намояндагони Марказҳои Орхус иброз дошт, ки яке аз самтҳои фаъолияти Барномаи САҲА дар Душанбе ҳаллу фасли масоили экологӣ, мисли пешгирии таназзулёбии муҳити зист, инчунин азбайнравии гуногунии биологӣ, ки аз омилҳои антропогенӣ сарчашма мегиранд, маҳсуб меёбад. 

Тавре таъкид гардид, дар давоми солҳои 2021-2022 аз тарафи Марказҳои Орхуси Тоҷикистон 30 сессияҳои иттилоотӣ, 12 семинарҳо ва 9 мизҳои мудаввар барои намояндагони ҳукуматҳои маҳаллии худидоракунанда, донишҷӯён, ҷавонон, занон дар мавзӯҳои принсипҳои конвенсияи Орхус, иқтисоди сабз, идоракунии партовҳо ва тағйирёбии иқлим баргузор карда шуд. Дар чорабиниҳо, ки ба ҳама принсипҳои конвенсия, аз ҷумла, дастрасӣ ба иттилооти экологӣ, иштироки ҷомеа дар қабули қарорҳо ва дастрасӣ ба адолати судӣ тааллуқ дорад,  тақрибан 3000 нафар иштирок намудаанд.  

Хонум Ҷалиашвили бо хушҳолӣ иброз дошт, ки Марказҳои Орхуси Тоҷикистон қисми ҷудонашавандаи шабакаи, бо масъалаҳои ҳифзи муҳити зист машғулшаванда, мебошанд ва онҳо бо ҳама қишрҳои аҳолӣ фаъолияту ҳамкорӣ менамояд. Соли 2020 дар Душанбе вохӯрии ҳамоҳангсозӣ бояд баргузор мегардид, аммо бинобар сабаби сар задани КОВИД-19 мавқуф гузошта шуд. Дар охири суханрониаш умедворона иброз дошт, ки  соли 2023 вохӯрии ҳамоҳангсозии Марказҳои Орхус дар шаҳри Душанбе самараи нек ба бор хоҳад овард.