Баргузории аксияҳои экологӣ дар шаҳри Ҳисор

                                                                     

Дар асоси нақша - чорабниҳои Кумитаи ҳифзи муҳити зисти назди Ҳукумати Ҷумҳурии Тоҷикистон, ҷиҳати дар сатҳи баланд таҷлил намудани ҷашнҳои дарпешистода, аз ҷумла ба муносибати 30-солагии Иҷлосияи XVI-уми Шӯрои Олии Ҷумҳурии Тоҷикистон ва 35- солагии Истиқлолияти давлатӣ бо иқдоми шуъбаи ҳифзи муҳити зист дар шаҳри Ҳисор аксияҳои “Тозагии маҳал”, “Тозагии соҳил” ва “Тозагии роҳ” ташкил ва гузаронида шуд.

Дар чорабиниҳои мазкур беш аз 450 нафар кормандони касбу кори гуногун, хонандагони муассисаҳои таълимӣ ва сокинони шаҳр иштироки фаъол намуда, ба корҳои ободонӣ, тоза намудани гирду атрофи биноҳои маъмурӣ, ҷӯйҳои обгузар, соҳили дарёҳо, роҳравҳо ва минтақаҳои аҳолинишинро аз партовҳои истеҳсоливу маишӣ машғул гаштанд. Дар натиҷа 5 м³ партовҳо бо истифода аз 2 адад техникаҳои махсус ба партовгоҳи расмии шаҳрӣ интиқол дода шуданд.