Сафари навбатии аъзоёни маҳфили клуби эко-журналистон ба шаҳри Норак

                                       

28 октябри соли равон дар асоси нақшаи тасдиқнамудаи Кумитаи ҳифзи муҳити зист маҳфили клуби эко-журналистон дар обанбори шаҳри Норак ташкил карда шуд. Дар ин навбат дар доираи чорабиниҳои Даҳсолаи байналмилалии “Об барои рушди устувор, солҳои 2018-2028” матраҳ намудани мавзуъҳои марбут ба об иншооти зикршуда интихоб гардид. Дар ҷараёни сафар намояндагони воситаҳои ахбори омма аз обанбори НОБи Норак дидан намуданд. Судурзода С. сардори Раёсати назорати давлатии истифода ва ҳифзи захираҳои оби Кумита дар мавзуи “Аҳамияти миллӣ ва минтақавии обанбори зикршуда, ва саҳми он дар соҳаҳои экологӣ, кишоварзӣ ва иқтисодию иҷтимоии ҷумҳурӣ” ба аъзоёни маҳфил маълумоти муфассал пешниҳод намуд.

Дар баррасии мавзуи мазкур аз ҷониби иштироккунандагон бо номбурда оид ба ҷабаҳаҳои гуногуни саҳми обанбор, дар рушди соҳаи энергетика, кишоварзӣ, иқтисодиёт ва мутобиқшавӣ ба тағйирёбии иқлим саволу ҷавоб сурат гирифт.