Баргузории аксияҳои экологӣ дар  ноҳияи Рӯдакӣ

                    

Шуъбаи ҳифзи муҳити зист дар ноҳияи Рўдакӣ ҷиҳати беҳдошти муҳити зист, дар раванди нақшаи корӣ оид ба тозаю озода нигоҳ доштани   мавзеи ноҳия аз тарафи мутахассисони худ ва сокинони маҳал дар ҷамоати деҳоти Зайнабобод, Лаҳур, Чортеппа ва деҳаи Ҷуйбодоми ноҳияи мазкур бахшида ба Рӯзи Конститутсияи Ҷумҳурии Тоҷикистон аксияи “Тозагии шоҳроҳ”,“Тозагии маҳал” ташкил ва гузаронида шуд.

Ҳамзамон, ҷиҳати беҳтар намудани ҳолати санитарию экологии худуди ноҳияи Рӯдакӣ, шоҳроҳи Душанбе–Ёвон, Душанбе- Бохтар, тоза гардид. Дар чорабинии мазкур, ки дар сатҳи баланди ташкилӣ баргузор гашт, 319 нафар сокинони   ноҳия фаъолона иштирок намуд.

Дар натиҷа 3670м роҳҳои пиёдагарду нақлиётгузар аз партовҳо тоза карда шуда, ба миқдори 18 метри мукааб партов ба партовгоҳи ноҳия бароварда шуд.

Чунин чорабиниҳои экологӣ бо мақсади тозаву озода нигоҳ доштани муҳити зисти ноҳияи Рӯдакӣ пайваста гузаронида мешавад.