Маърифатбахшии экологии аҳолӣ дар ноҳияи Рӯдакӣ

                  

Бинобар иттилои шуъбаи ҳифзи муҳити зист дар ноҳияи Рӯдакӣ баҳри иҷрои қарори раиси ноҳияи мазкур аз 11 майи соли 2021, №801 оид ба татбиқи нақшаи чорабиниҳои “Барномаи давлатии маҷмӯии рушди тарбия ва маърифати экологии аҳолӣ барои солҳои 2021-2025” дар ин ноҳия ситоди амалкунанда таъсис дода шудааст.

Дар пайи чорабиниҳои навбатӣ аз тарафи масъулони шуъбаи ҳифзи муҳити зисти ноҳияи Рӯдакӣ дар бинои маъмурияти ҷамоати деҳоти Чоряккорони ноҳияи мазкур дар мавзуи “Тозагии атроф-солимии ҷомеа” байни кормандони ин ҷамоат вохӯрӣ гузаронида шуд.

Чунин чорабиниҳо пайваста байни табақаҳои гуногуни ҷомеа дар маҳал роҳандозӣ мешавад, ки барои беҳдошти муҳити зист ва таъмини амнияти экологии аҳолӣ мусоидат менамояд.