Беҳтар намудани вазъи зисти олами ҳайвоноти ваҳшӣ

                                                                

Барои беҳтар намудани вазъи зисти ҳайвоноти ваҳшӣ ва ташкил намудани хӯроки иловагӣ дар ҳолати сард омадани обу ҳаво дар назди Даҳанасойи ҳудуди ҷамоати деҳоти Яхтани ноҳияи Деваштич аз ҷониби кормандони мақомоти ҳифзи муҳити зист корҳои биотехникӣ доир гардид. Тибқи маълумоти мутахассисон як қатор намуди ҳайвоноту парандаи ваҳшӣ, аз он ҷумла кабутар, хуки ёбоӣ, гург, харгуш, рӯбоҳ, хирс, бузи кӯҳӣ, кабк ва дигар ҷонваронро дар мавзеи мазкур дидан мумкин аст ва сукунат доранд.

Дар раванди баргузории чорабинӣ ба миқдори 150 кг гандуми майда, 250 кг ҷав, 300 кг картошкаи майда, 75 кг сабӯс, 25 кг намак, 50 адад баста коҳи гандум ва алафи беда дар ҷойҳои ҷамъшавии ҳайвоноту парандагони ваҳшӣ пошида шуд.