Баргузории аксияи “Тозагии роҳ” дар шоҳроҳи Душанбе - Бохтар             

                                          

Бо мақсади тозаву озода нигоҳ доштани муҳити зист ва маҳаллҳои аҳолинишин дар таъмини беҳдошти солимии ҷомеа, баҳри иҷрои фармоишҳои раиси Кумита ва мақомоти иҷроияи ҳокимияти давлатии ноҳияи Хуросон «Дар бораи баргузор намудани аксияҳои «Тозагии маҳал» ва «Тозагии роҳ» дар шоҳроҳи Душанбе – Бохтар «Тозагии роҳ» гузаронида шуд.

Дар он кормандони масъули идораи кишоварзӣ, маркази назорати давлатии санитариву эпидемиологии ноҳия, волонтёрони муассисаҳои таълимии миёнаи умумӣ ва аҳолӣ, ҳамагӣ 300 нафар иштирок доштанд.

Дар рафти чорабинӣ партовҳои бесоҳиб дар ҳаҷми 7 метри мукааб ба партовгоҳи расмӣ интиқол дода шуда, рафти чорабинӣ тариқи телевизионҳои ҷумҳуриявӣ ва маҳаллӣ инъикос карда шуд.

Тибқи нақшаи бахши ҳифзи муҳити зист дар ноҳияи Хуросон баргузории аксияҳо дар маҳаллаҳои аҳолинишин ва ҷойҳои ҷамъиятӣ дар назар аст.