Дар нишасти матбуотӣ оид ба фаъолияти Кумита дар нимсолаи аввали соли 2023             

                                          

Мутобиқи Нақшаи ташкил ва гузаронидани нишастҳои матбуотӣ дар вазорату идораҳо, корхонаҳо, муассисаҳо ва ташкилотҳои дигар, мақомоти иҷроияи ҳокимияти давлатии ВМКБ, вилоятҳо, шаҳри Душанбе ва шаҳру ноҳияҳо оид ба ҷамъбасти нимсолаи якуми соли 2023, ки аз ҷониби Дастгоҳи иҷроияи Президенти Ҷумҳурии Тоҷикистон тасдиқ гардидааст, санаи 31 июли соли ҷорӣ дар дастгоҳи марказии Кумитаи ҳифзи муҳити зисти назди Ҳукумати Ҷумҳурии Тоҷикистон бо иштироки доираи васеи хабарнигорон, намояндагони воситаҳои ахбори омма оид ба ҷамъбасти фаъолияти Кумита дар нимсолаи аввали соли 2023 нишасти матбуотӣ доир гардид.

Дар нишасти мазкур хабарнигорон аз шабакаҳои телевизиону радио, нашрияҳои давлативу мустақил иштирок доштанд.

Дар оғози нишаст аз ҷониби раиси Кумита оид ба самтҳои муҳимтарини фаъолияти соҳавӣ, аз ҷумла рафти иҷрои нақшаҳои амал, барномаҳои давлатию соҳавӣ, дар самти ҳифзи муҳити зист, пешбурди назорати давлатӣ, баланд бардоштани сатҳи маърифати экологии аҳолӣ, амалигардонии чорабиниҳои дигари соҳавӣ ба таври фишурда маълумот дода шуд.

Сипас, дар бахши саволу ҷавоб хабарнигорон бештар ба масъалаҳои пешбурди назорати давлатӣ, самтҳои гуногуни ҳифзи муҳити зист, аз ҷумла чораҳои андешида оид ба эълон гардидани соли 2025 “Соли байналмилалии ҳифзи пиряхҳо”, раванди таъсири корхонаҳои саноатӣ ба муҳити зист, вазъи боду ҳаво, тағйирёбии иқлим, омилҳои чангу ғубори баамаломада, ҳифзи манбаъҳои обӣ, вазъи экологии баъзе шаҳру ноҳияҳои ҷумҳурӣ, ҷамъоварӣ ва безараргардонии лампаҳои симобдори аз истифода баромада, ҷалби бештар ва ҳавасмандии ҷавонону наврасон оид ба баланд бардоштани сатҳи маърифати экологии ҷавонону наврасон ва ғайра таваҷҷуҳ зоҳир намуданд.

Намоянда аз Ҳукумати Ҷумҳурии Тоҷикистон, сармутахассиси Раёсати кишоварзӣ ва ҳифзи муҳити зисти Дастгоҳи иҷроияи Президенти Ҷумҳурии Тоҷикистон Алишер Самиев дар Нишасти матбуотии Кумита иштирок намуданд.

Дар Нишасти матбуотӣ раиси Кумита, муовинон, масъулони Агентии обуҳавошиносӣ, Муассисаи давлатии “Ҳудудҳои табиии махсус муҳофизатшаванда”, Сарраёсати ҳифзи муҳити зист дар шаҳри Душанбе ва сохторҳои дигари Кумита иштирок намуда, ба саволҳои хабарнигорон посухҳои мушаххас доданд.