Дар ҷаласаи ҳарҳафтаинаи Кумита               

25 сентябри соли ҷорӣ ҷаласаи ҳарҳафтаинаи Кумитаи ҳифзи муҳити зисти назди Ҳукумати Ҷумҳурии Тоҷикистон баргузор гардид, ки дар он фаъолияти мақомотӣ ва марказу муассисаҳои тобеи он дар ҳафтаи аз 18 то 23 сентябри соли 2023 мавриди таҳлилу баррасӣ қарор дода шуд.

Тибқи рӯзномаи кори ҷаласа, пас аз пешниҳоди ҳисоботи таҳлилӣ аз тарафи муовини сардори Раёсати мониторинг, сиёсати экологӣ, обуҳавошиносӣ ва кадастри Кумита Қосимова Г. муовини якуми раиси Кумита Қиёмзода З. С. рафти иҷрои талаботи ҷорӣ, омодагӣ ба натиҷагирии фаъолияти Кумита дар 3-моҳаи сеюм ва нӯҳмоҳа, дигар самтҳои марбутаи соҳавиро ба масъулон дастур дод.

Дар рафти ҷаласа сардори Муассисаи давлатии “Маркази миллии амал оид ба ҳифзи муҳити зист” Шерматов Хусрав оид ба фаъолият 9-моҳаи  сохтори ба зимаашбуда ба таври муфассал ҳисобот дод. 

Пас аз натиҷагирию арзёбӣ гардидани масъалаи рӯзномаи ҷаласа, бо назардошти супоришҳои барои ҳафтаи навбатӣ додашуда ва таклифу пешниҳодҳо қарори дахлдор қабул гардид.