Ҷамъомади идонаи кормандони Кумита бахшида ба Рӯзи забони давлатӣ               

                                          

5 октябри соли равон дар Кумитаи ҳифзи муҳити зисти назди Ҳукумати Ҷумҳурии Тоҷикистон бахшида ба 34-умин солгарди рӯзи қабули “Қонун дар бораи забони давлатӣ” бо иштироки кормандони соҳавӣ ва намояндаи Кумитаи забон ва истилоҳоти назди Ҳукумати Ҷумҳурии Тоҷикистон чорабинии идона доир гардид.

Дар маҷлиси тантанавӣ раиси Кумитаи ҳифзи муҳити зисти назди Ҷумҳурии Тоҷикистон Шерализода Баҳодур Аҳмадҷон бо суханони табрикотӣ ҳозиринро бо ин санаи фархундаи миллӣ ва яке аз рукнҳои асосии муқаддасоди миллӣ-рӯзи қабул гардидани забони давлатӣ табрику муборакбод намуд. Қайд гардид, ки  забони тоҷикӣ ба ҳайси забони давлатӣ дар Ҷумҳурии Тоҷикистон мавқеи асосӣ дошта, аз ҷониби Роҳбарияти давлату Ҳукумат, махсусан Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон мавриди дастгирии ҳамешагӣ қарор гирифтааст ва барои бою ѓанӣ, оммафаҳму шево шуданаш чораҳои давлатӣ мунтазам андешида мешаванд. Бо ифтихор ёдоварӣ гардид, ки аз 5 октябри соли 2009,  №553 Қонуни Ҷумҳурии Тоҷикистон дар бораи забони давлатӣ иборат аз 7 боб ва 28 модда ба имзо расид. Қонуни мазкур вазъи ҳуқуқии забони давлатиро муайян ва истифодаи онро дар Ҷумҳурии Тоҷикистон танзим менамояд. Ин иқдоми наҷиб нуфузу  эътибори забони давлатиро ҳамчун асоситарин воситаи рушду инкишофи соҳаҳои иқтисоиву ичтимоӣ, сиёсию фарҳангӣ ва   муоширати умумии сокинони мамлакат боз ҳам боло бурд.

Сипас,  намоянда аз Кумитаи забон ва истилоҳоти назди Ҳукумати Ҷумҳурии Тоҷикистон, сармутахассиси шуъбаи танзими истилоҳоти Кумитаи мазкур Фарҳодова Сарвбону дар мавзуи “Таҳким ва рушди забони давлатӣ дар даврони соҳибистиқлолии Ҷумҳурии Тоҷикистон” суханронӣ намуда, иброз дошт, ки имрӯз забони тоҷикӣ ба ҳайси забони давлатӣ бо мусоидати Ҳукумати Ҷумҳурии Тоҷикистон, хоса Пешвои муаззами миллат муҳтарам Эмомалӣ Раҳмон тамоми соҳаҳои мамлакатро фаро гирифта ба шаҳвандони Ҷумҳурии мо чӣ дар дохил ва чӣ берун аз он хизмат менамояд. Моро мезасад, ки ин забонро ҳифзу пуштибонӣ намуда, ба наслҳои ояндаамон дар радифи муқаддасоти дигари миллӣ  ба мерос гузорем-таъкид гардид, дар ҷамъомади идона аз ҷониби баромадкунандагон.  

Инчунин, алоҳида кормандони Кумита фикру андешаҳои ҷолиби худ дар бораи ҳифзу нигоҳдошти асолати  забони тоҷикӣ,  омӯхтани забонҳои хориҷӣ суханронӣ, намуда, ин санаи фархундаро ба ҳозирин шодбош гуфтанд.