Озмуни “Беҳтарин муассисаи таълимӣ дар самти корҳои ободонӣ”             

                                          

Бо ибтикороти мақомоти иҷроияи ҳокимияти давлатии шаҳри Душанбе соли панҷум аст, ки озмуни “Беҳтарин муассисаи таълимӣ дар самти корҳои ободонӣ” гузаронида мешавад.

Дар ҷараёни баргузории озмун ҳайати комиссия фаъолияти муассисаҳоро дар самти корҳои ободонӣ баҳогузорӣ намуда, беҳтарин муассисаҳо интихоб карда шуданд.

Дар доираи таҷлили “Рӯзи омӯзгор”, ки дар меҳмонхонаи “Хаёт реҷенсӣ” доир гардид, муовини Раиси шаҳри Душанбе Одилзода Дилбар ғолибони озмун: Литсейи №3 барои хонандагони болаёқати шаҳри Душанбе, муассисаҳои таҳсилоти миёнаи умумии №56, №102 ва муассисаҳои таҳсилоти томактабии № 112, 63 ва 17 –ро бо “Диплом”-и мақомоти иҷроияи ҳокимияти давлатии шаҳри Душанбе сарфароз гардонид.

Бояд қайд намуд, ки ҷиҳати амалишавии “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” чунин озмунҳо роҳандозӣ гардида, чунин тадбирҳо боиси баланд бардоштани маърифат ва тарбияи экологӣ байни кӯдакон ва наврасон хоҳад гардид. Зеро тавре дар Барнома зикр мегардад, маърифати экологии кӯдакон бояд дар муассисаҳои таълимӣ ташаккул ёбад.