Амалиётҳои назоратӣ дар самти канданиҳои фоиданоки маъмули умум             

                                          

Дар асоси нақшаи кории мақомоти ҳифзи муҳити зист, ҳангоми гузаронидани амалиёти назоратӣ аз ҷониби мутахассисони шуъбаи назорати давлатии истифода ва ҳифзи замин, канданиҳои фоиданоки маъмули умум ва муомилот бо партовҳои Сарраёсат дар ноҳияи Б.Ғафуров, ҷамоати деҳоти Исмоил худсарона бе иҷозати мақомоти дахлдор истихроҷ ва истифодабарии санги табиӣ аз тарафи ронандаи воситаи нақлиёти тамғаи Зил- ММЗ рақами қайди давлатиаш ТҶ 1842 КМ02 Худойназаров Ф.Ё. ошкор гардид.

Дар натиҷа нисбати қонуншикан Худойназаров Ф.Ё. бо моддаи 238-и Кодекси ҳуқуқвайронкунии маъмурӣ протокол тартиб дода шуда, барои баррасӣ ба шуъбаи ҳифзи муҳити зист дар н.Б.Ғафуров фиристода шуд.