ҶАМЪБАСТИ НУҲМОҲАИ САРРАЁСАТИ ҲИФЗИ МУҲИТИ ЗИСТИ ХАТЛОН ДАР СОЛИ 2023             

                                          

5 - уми октябри соли 2023 дар толори Раёсати хоҷагии об ва беҳдошти замини вилояти Хатлон бо иштироки муовини Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Мавлодод Абдуқодир ҷаласаи ҷамбастии нуҳмоҳаи Сарраёсати ҳифзи муҳити зисти вилоят дар соли равон доир гардид.

Дар он намояндаи мақомоти иҷроияи ҳокимияти давлатии вилоят, кормадони дастгоҳи марказии Сарраёсати ҳифзи муҳити зист ва шуъбаю бахшҳои он дар шаҳру ноҳияҳои вилояти Хатлон иштирок доштанд.

Сардори Сарраёсат Саидзода Идило аз натиҷаи фаъолияти нуҳмоҳаи Сарраёсат ва ҳамчунин, шуъбаю бахшҳои он дар шаҳру ноҳияҳои вилоят маъруза намуд.

Дар идомаи ҷаласаи ҷамбасти муовини раиси Кумита Мавлодод Абдуқодир, вобаста фаъолияти корӣ, иҷроиши супоришҳои раиси Кумита ҳифзи муҳити зисти назди Ҳукумати Ҷумҳурии Тоҷикистон аз кормадони дастгоҳи марказии Сарраёсати ҳифзи муҳити зисти вилояти Хатлон мудирони шуъбаю бахшҳои он дар шаҳру ноҳияҳо пурсиш ба амал овард.

Муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон Мавлодод Абдуқодир натиҷаҳои нуҳмоҳаи Сарраёсатро мавриди таҳлил қарор дода, масъулинро вазифадор намуд, ки нисбати камбудиҳои ҷойдошта тадбирҳои мушаххас андешанд.