Масъалаҳо дар ҷаласаи назоратии раиси Кумита               

                                          

11 сентябри соли ҷорӣ таҳти раёсати раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон ҷаласаи навбатии ҳарҳафтаинаи Кумита баргузор гашт, ки дар он масъулони сарраёсатҳо, раёсатҳо, марказу муассисаҳои зертобеи Кумита, инчунин сардорони як қатор мақомоти маҳалии ҳифзи муҳити зист иштирок намуданд.

Дар рӯзномаи ҷаласа якчанд масъалаҳои дахлдори соҳавӣ мавриди баррасӣ қарор дода шуданд, ки яке аз онҳо натиҷагирӣ аз .фаъолияти Кумита ва зерсохтори он дар моҳи августи соли 2024 буд. Дар ин бора дар назди ҳозирин муовини сардори Раёсати мониторинг, сиёсати экологӣ, обуҳавошиносӣ ва кадастр Қосимова Гулбаҳор бо гузориши таҳлилӣ баромад кард.   

Аз тарафи раиси Кумита оид ба муҳтавои суханронии Қосимова Г. вобаста ба масъалаю камбудиҳои мавҷуда аз масъулони дахлдор пурсиш ба амал оварда шуд.

Масъалаи дигари ҷаласа иҷрои саривақтӣ ва босифати ҳуҷҷатҳои марбута буд, ки оид ба масъулаи мазкур дар назди раиси Кумита сардори Раёсати кадрҳо, коргузорӣ ва назорати Кумита Салимзода Ш. ба таври мушаххас гузориш дод.

Яке аз падидаи фараҳбахш дар ҷаласа ин буд, ки  дар назди Кумита Маркази иҷрои уҳдадориҳои Созишномаи Париж оид ба тағйирёбии иқлим таъсис гардид.

Ҳамзамон, масъалаи дигари рӯзномаи ҷаласа фармоиши раиси Кумита оид ба тағйироти кадрӣ дар соҳа буд. Раиси Кумита нафарони ба вазифаҳои нав таъйингардидаро баҳри фаъолияти пурсамар дар мансаби ишғолнамудаи хизмати давлатӣ комёбӣ таманно карда, оҳоро дар роҳи масъулиятшиносию ташаббускориҳҳо дар  ҷодаи фаъолияташон талқин намуд.

Дигар аз масъалаҳои ҷаласа, ки фаромиши дахлдор дар ин бора аз ҷониби муовини якуми раиси Кумита Қиёмзода Зарафо Суфиҷон қироат гашт, ин тақсимоти вазифаҳои фаъолиятҳои Кумита ва зерсохторҳои он дар самтҳо ва шохаҳо ҳамчун сарпарасти соҳавӣ байни раис, муовини якум ва муовини раиси Кумита ба шумор мерафт. 

Бо назардошти шунидани ҳисоботҳо, баррасии масъалаҳо, таклифу пешниҳодҳо ва супоришҳои додашуда қарори дахлдори ҷаласа қабул карда шуд.