Иштироки кормандони Кумита дар ҷаласаи Шӯрои ҳамоҳангсозии шарикони рушд  дар самти ҳифзи муҳити зист ва тағйирёбии иқлим              

                                          

Санаи 16 сентябри соли ҷорӣ ҷаласаи навбатии Шӯрои ҳамоҳангсозии шарикони рушд (Donor Coordination Council) дар самти ҳифзи муҳити зист ва тағйирёбии иқлим баргузор гардид. Онро  Агентии рушди байналмилалии Штатҳои Муттаҳидаи Амрико (USAID) ва Барномаи рушди Созмони Милали Муттаҳид ҳамраисӣ менамоянд.

Дар рафти баргузории ҷаласаи мазкур масъалаҳои ҳифзи муҳити зист ва тағйирёбии иқлим баррасӣ гардида, аз ҷониби кормандони Кумита рӯйнамоҳо ва маърӯза дар мавзуъҳои “Чорабинии сатҳи баланд оид ба қатъномаи Маҷмаи Умумии СММ "Соли 2025 – Соли байналмилалии ҳифзи пиряхҳо” дар 29-умин Конфронси тарафҳои Конвенсияи чаҳорчубаи СММ оид ба тағйирёбии иқлим ва гуфтушунидҳои иқлимӣ”, “Дар соли 2025 доир намудани Конфронси байналмилалӣ оид ба ҳифзи пиряхҳо дар шаҳри Душанбе” ва “Ташкил намудани павилиони пиряхҳо дар 29-умин Конфронси тарафҳои Конвенсияи чаҳорчубаи СММ оид ба тағйирёбии иқлим” пешкаш карда шуданд. Инчунин, дар доираи ҷаласа Барномаи рушди Созмони Милали Муттаҳид ва Бонки Осиёгии Рушд рӯйнамоҳо дар мавзуъҳои нақшаҳои миллии мутобиқшавӣ ва маблағгузории иқлимии Саҳми дар сатҳи миллӣ муайяншуда пешкаши ҳозирин гардиданд.

Дар хотимаи ҷаласа тарафҳо ба мувофиқа расиданд, ки Кумита дархости хешро вобаста ба масъалаҳои болозикр ба аъзоёни Шӯро иловатан пешкаш менамояд.