19-20 сентябри соли 2024 дар шаҳри Алма-Атои Ҷумҳурии Қазоқистон 3-юмин Конференсияи Осиёи Марказӣ оид ба сифати ҳаво AQCA 2024 таҳти унвони «Таҳкими ҳамкориҳои минтақавӣ дар самти мониторинги сифати ҳаво ва туфонҳои чангу ғубор дар шароити тағйирёбии иқлим» бо иштироки намояндагони баландпояи соҳаи ҳифзи муҳити зисти кишварҳои Осиёи Марказӣ, Барномаи СММ оид ба муҳити зист, ташкилотҳои байналмилалии соҳавӣ, муҳақиқону коршиносон ва намояндагони васоити ахбори омма баргузор гардид.

Маврид ба зикр аст, ки дар сессия якуми конференсия, ки дар мавзӯи «Баррасии роҳу воситаҳои мониторинги сифати ҳаво ва чангу ғубор дар кишварҳои Осиёи Марказӣ» доир гардид, сардори Раёсати назорати давлатии истифода ва ҳавои атмосфераи Кумитаи ҳифзи муҳити зисти назди Ҳукумати Ҷумҳурии Тоҷикистон – Қаландарзода Абдуқаюм иштирок варзида, дар мавзӯи «Ситемаи мониторинги давлатии сифати ҳаво ва туфонҳои чангу ғубор дар Тоҷикистон» маърӯза намуданд.

Чорабинии мазкур дар давоми 2 рӯз дар 8 сессия баргузор гардида, дар ҷараёни он зиёда аз 60 нафар коршиносону мутахассисони соҳа бо маърӯзаҳои илмӣ сухан ронданд.