Ҷамъомади тантанавии идона бахшида ба рӯзи таъсисёбии Қувваҳои Мусаллаҳи Ҷумҳурии Тоҷикистон дар Кумита               

                                          

21 феврали соли равон бахшида ба 33-солагии Рӯзи таъсисёбии Қувваҳои Мусаллаҳи Ҷумҳурии Тоҷикистон дар толори бинои дастгоҳи марказии Кумита ҷамъомади идонаи тантанавӣ баргузор гардид. Дар чорабинии мазкур роҳбарият, сардорон ва кормандони раёсатҳо, марказу муассисаҳои Кумита ва зерсохторҳои он дар шаҳри Душанбе иштирок доштанд.

Дар оғоз сухани табрикотии раиси Кумита Шерализода Баҳодур Аҳмадҷон ба муносибати рӯзи таъсисёбии Қувваҳои Мусаллаҳи Ҷумҳурии Тоҷикистон аз ҷониби муовини якуми раиси Кумита Исфандиёр Шукурзода қироат гашт. Зимни суханони табрикотӣ дастовардҳои даврони соҳибистиқлолӣ бо таъсиси Артиши миллӣ ва рӯз то рӯз қавӣ гардидани нерӯҳои низомии кишвар таҳти роҳнамоиву ҳидоятҳои Сарфармондеҳи Қувваҳои мусаллаҳи Ҷумҳурии Тоҷикистон, Пешвои муаззами миллат муҳтарам Эмомалӣ Раҳмон хоса зикр карда шуд.

Баромадкунандагон зимни суханони табрикотии хеш, аз ҷумла қайд намуданд, ки ҷавонони саодатманди кишвари маҳбубамон ҳамсола ба сафи қувваҳои мусаллаҳи ҷумҳурӣ ба таври ихтиёрӣ мепайванданд ва барои таъмини амният, осудагии марзу буми аҷдодии хеш хизмати Модар-Ватан-ро сарбаландона иҷро намуда, саҳми ҷавонмардонаи хешро баҳри шукуфоии он мегузоранд.

Қувваҳои Мусаллаҳи Ҷумҳурии Тоҷикистон имрӯз ҳимоятгари воқеии истиқлоли Ватан, амнияти кишвар ва сулҳу суботи мамлакат мебошад. Бинобар ин, бо самимият ва таманниёти ормонҳои миллӣ таъкид карда шуд, ки дӯст доштани Ватанро ҳам дар забон, ҳам дар қалб ва ҳам дар амал татбиқ намоем, ҷавононро баҳри ояндаи дурахшон ва пояндагии миллату кишвар дар ҳимин гуна руҳияи ватандӯстиву меҳанпарастӣ тарбия намоем.