Тақдими 100 нусха китобчаи роҳнамо “Ислом ва экология” ба Маркази исломии Ҷумҳурии Тоҷикистон               

                                          

Дар арафаи моҳи Шарифи Рамазон, санаи 27 феврали соли ҷорӣ намояндагони Кумитаи ҳифзи муҳити зист Каримов А. ва Яқубов Ҷ. бо раиси Шўрои уламои Маркази исломии Ҷумҳурии Тоҷикистон Саидмукаррам Абдуқодирзода вохӯрӣ баргузор намуданд. Зимни вохӯрӣ бо раиси Шӯрои уламо роҳҳои амалӣ намудани сиёсати пешгирифтаи Ҳукумати Ҷумҳуриии Тоҷикистон бобати ҳифз ва тоза нигоҳ доштани муҳити зист мавриди баррасӣ қарор гирифт. Қайд карда шуд, ки моҳи мубораки Рамазон моҳи анҷом додани корҳои хайр, аз ҷумла дар самти тозаву озода нигоҳ доштани муҳити зист, ки ба саломатии ҷомеа мусоидат менамояд, ба ҳисоб меравад.

Ёдовар мешавем, ки ҷиҳати бурдани корҳои таблиғотиву ташвиқотӣ аз ҷониби Кумитаи ҳифзи муҳити зист дар ҳамкорӣ бо Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон китобчаи роҳнамо бо номи “Ислом ва экология” таҳия ва ба чоп расидааст, ки теъдоди 100 нусха китобчаи роҳнамо ба Маркази исломии Ҷумҳурии Тоҷикистон тақдим карда шуд.

Раиси Шӯрои уламои Тоҷикистон Абдуқодирзода С. зимни суҳбат изҳори хушнудӣ намуд, ки ба чоп расидани чунин китобчаи роҳнамо барои баланд бардоштани сатҳи маърифати экологии намозгузорон кумаки бевосита мерасонад.