Ҷаласаи назоратӣ оид ба фаъолияти Кумита ва зерсохтори он дар моҳи феврали соли ҷорӣ               

                                          

4 марти соли 2025 таҳти раёсати раиси Кумитаи ҳифзи муҳити зисти назди Ҳукумати Ҷумҳурии Тоҷикистон оид ба фаъолияти Кумита ва зерсохтори он дар моҳи феврали соли 2025 ҷаласаи назоратӣ баргузор гардид.

Дар рӯзномаи ҷаласа 3 масъала, аз ҷумла натиҷгирӣ аз фаъолияти Кумита дар моҳи феврал, рафти иҷрои ҳуҷҷатҳо ва татбиқи “Барномаи давлатии кабудизоркунии Ҷумҳурии Тоҷикистон барои солҳои то 2040” мавриди баррасӣ қарор дода шуданд.

Аз рӯи масъалаҳои мазкури рӯзномаи ҷаласа муовини якуми раиси Кумита, муовини раиси Кумита ва сардори раёсати кадрҳо, коргузорӣ ва назорат ҳисобот доданд.

Пас аз шунидани маърӯзаҳои ҳисоботӣ аз масъулони иҷро оид ба таъмини дастуру супоришҳои протоколи ҷаласаҳои қаблӣ, интизоми меҳнат, масъалаҳои назоратӣ, омодагиҳо, аз ҷумла вусъат додани корҳои тозагию озодагӣ, баргузории аксияҳои экологӣ, ниҳолшинонию сабзгардонӣ ба истиқболи сазовори Ҷашни байналмилалии Наврӯз, натиҷаҳои чаҳорсолаи “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” ва фаъолияти дигари ҷорӣ, мавриди баррасӣ ва пурсиш қарор дода шуданд.

Вобаста ба ҳамаи масъалаҳои дарҷгардида, таклифу пешниҳодҳо ва супоришҳои додашуда қарори дахлдори ҷаласаи мазкур қабул гардида, он барои андешидани тадбирҳои амалӣ ба сохторҳои дахлдори Кумита фиристода мешавад.