Ҷаласаи ҳафтаинаи назди раиси Кумита               

                                          

17 март ҷаласаи навбатии ҳафтаина таҳти раёсати раиси Кумитаи ҳифзи муҳити зисти назди Ҳукумати Ҷумҳурии Тоҷикистон баргузор гардид. Дар ҷаласа масъалаҳо, аз ҷумла натиҷагирии фаъолияти ҳафтаи аз 10 то 15 марти соли ҷорӣ, вазифаҳо барои ҳавфтаи навбатӣ ва рафти иҷрои асноди назоратӣ мавриди муҳокима қарор гирифтанд.

Тибқи тартиби кори ҷаласа оид ба масъалаи якум сардори Раёсати мониторинг, сиёсати экологӣ, обуҳавошиносӣ ва кадастр Ибодуллои М ва оид ба масъалаи дуюми маҷлис ҳисоботи сардори Раёсати кадрҳо, коргузорӣ ва назорати Кумита Салимзода Ш., ҳисобот доданд.

Дар муҳокимаи масъала раиси Кумита Шерализода Баҳодур Аҳмадҷон оид ба фаъолияти кории ҳар як масъулин таваҷҷуҳ намуда, аз онҳо пурсиш ба амал овард, дар ин баробар ҷиҳати ҷоннок намудани вазифаҳои бадушдоштаи онҳо дастуру супоришҳои мушаххас дода шуданд.

Ҳамзамон, аз ҷониби раиси Кумита рафти иҷрои нақшаи чорабиниҳо ҷиҳати омодагиҳо ба чорабиниҳои дарпешистода, аз ҷумла таҷлили ҷашни байналмилаии Наврӯз дар Кумита ва Рӯзи байналмилалии ҳифзи пиряхҳо мавриди пурсиш қарор гирифт, дар навбати худ супоришҳои иловагӣ дода шуд.

Дар ҷамъбасти ҷаласа бо назардошти шунидани ҳисоботҳо, таклифу пешниҳодҳо, қарорҳои мушаххас қабул гардида, масъулон вазифадор шуданд, ки барои иҷрои супоришҳо чораҳои зарурӣ андешанд.