Маъракаи ниҳолшинонӣ дар ноҳияи Варзоб               

                                          

Санаи 12 марти соли 2025 бо иқдоми шуъбаи ҳифзи муҳити зист дар ноҳияи Варзоб дар Маркази таълимии Ҳизби Халқии Демократии Тоҷикистони ноҳияи мазкур бо иштироки муовини якуми раиси Ҳизби Халқии Демократии Ҷумҳурии Тоҷикистон, раиси ноҳияи Варзоб ва кормандони Ҳизби Халқии Демократии Тоҷикистон дар шаҳри Душанбе ва ноҳияи Варзоб, ҳамзамон волонтёрҳо дар маҷмӯъ зиёда аз 80 нафар дар маъракаи ниҳолшинонӣ иштирок доштанд.

Бояд қайд кард, ки 120 бех ниҳолҳои арчаи сӯзанбарг аз тарафи Кумитаи ҳифзи муҳити зисти назди Ҳукумати Ҷумҳурии Тоҷикистон ва 100 бех аз тарафи Мақомоти иҷроияи ҳокимияти давлатии ноҳияи Варзоб таъмин карда шуд.