Вохӯрии раиси Кумита бо ҳайати намояндагон ва коршиносони Бонки Осиёии Рушд               

                                          

14 марти соли ҷорӣ вохӯрии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон бо ҳайати намояндагон ва коршиносони Бонки Осиёии Рушд доир ба муҳокимаи барномаи нави минтақавии таҳияшаванда таҳти унвони «Аз пиряхҳо то хоҷагидорон» баргузор гардид.

Ҳангоми вохӯрӣ аз ҷониби намояндагони бонк маълумоти муфассал оид ба ҳадафҳои барномаи навтаҳияшаванда маълумот пешниҳод намуданд.

Қайд карда шуд, ки ҳадафи асосии барномаи мазкур ин сармоягузорӣ дар самтҳои марбут ба идоракунӣ ва истифодаи оқилонаи захираҳои об ва замин, баланд бардоштани маҳсулнокии кишоварзӣ, беҳтар намудани сатҳи зиндагии аҳолӣ, беҳтар намудани хизматрасониҳои гидрометеорологӣ ва ҷорӣ намудани механизми сармоягузории «сабз» мебошад.

Дар рафти вохӯрӣ аз ҷониби раиси Кумита таклифу пешниҳод барои ворид намудан дар барномаи навтаҳияшаванда дар самтҳои беҳтар намудани хизматрасониҳои агрометеорологӣ, баланд бардоштани имконият ва иқтидори Агентии обуҳавошиносӣ, такмил додани стандартҳои экологӣ тибқи талаботҳои байналмилалӣ ироа гардид.

Дар анҷоми вохӯрӣ раиси Кумита изҳори омодагӣ ва мусоидати ҳаматарафаро барои таҳияи Барномаи нав баён намуданд.