Сафари кории муовини раиси Кумитаи ҳифзи муҳити зист ба ноҳияи Мурғоб             

                                          

Аз 18 март то 22 марти соли 2025 муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон Раҳмонзода Лоиқ вобаста ба иҷрои барқияи ҳукуматӣ “Оиди баргузории ҷашни байналмилалии наврӯз дар ноҳияи Мурғоби Вилояти Мухтори Кӯҳистони Бадахшон” сафари корӣ намуда, аз ҷамоатҳои деҳоти Ғ.Бердибаев, Қизилработ, Рангкул, Аличур ва шаҳраки Мурғоби ноҳияи Мурғоб дидан намуд.

Дар доираи сафари кории намояндаи Ҳукумати Ҷумҳурии Тоҷикистон муовини раиси Кумитаи ҳифзи муҳити зист, раиси ноҳияи Мурғоб Раҷабзода Ҳусния ва сардори сарраесати ҳифзи муҳити зисти ноҳия оид ба корҳои созандагӣ ва ободонӣ дар доираи омодагӣ ба ҷашнӣ 35-солагии Истиқлоли давлатии Ҷумҳурии Тоҷикистон, рафти иҷрои нақшаи чорабиниҳои дахлдор оид ба объектҳои асосии ҷашнӣ шинос шуданд.

Ҳангоми боздид аз муассисаҳои таълимӣ, боғчаҳои бачагона, ҷамоатҳои деҳоти ноҳияи Мурғоб неругоҳи барқии “Тоҷикистон”, сехи қанодӣ, беморхонаи марказии ноҳия, бинои шуъбаи КДАМ Ҷумҳурии Тоҷикистон дар ноҳияи Мурғоб, сохтмони павилиони гушт ва шир, купруки пиёдагарди мавзеъи НБО “Тоҷикистон”, аз фаъолияти гармхонаҳое, ки дар маркази ноҳия сохта шудаанд дидан намуда оиди вазъи фаъолияти онҳо шинос шуданд.

Дар маркази ноҳия аз бинои шуъбаи КДАМ Ҷумҳурии Тоҷикистон дар ноҳияи Мурғоб бо сарчашмаи маблағгузории лоиҳа аз ҳисоби Кумитаи давлатии амнияти миллии Ҷумҳурии Тоҷикистон буда, 92 % корҳои сохтмонӣ идома доранд. Инчунин, сохтмони купруки пиёдагарди мавзеъи НБО “Тоҷикистон” аз тарафи лоиҳаҳои зерҳадафи Кумитаи ҳифхи муҳити зисти назди Ҳқкумати Ҷумҳурии Тоҷикистон ба нақша гирифта шудааст, ки то ҷашни Ваҳдати миллӣ ба истифода дода мешвад.

Дар ҳудуди ноҳия соли 2023 бо ташаббуси бевоситаи мақомоти иҷроияи ҳокимияти давлатии ноҳияи Мурғоб ва дастгирии шарикони рушд дар Ҷамоати деҳоти Аличур 7 адад ва дар шаҳраки Мурғоб 3 адад гармхонаҳои мавсимӣ бунёд гардида, мавриди истифода қарор гирифтанд. Соли 2023 ва давоми соли 2024 дар гармхонаҳои зикркардида сабзавотҳо аз қабили помидор, бодиринг ва дигар намуди кабудиҳо кишт карда шуда, ҳосили дилхоҳ ба даст оварда шуд. Дар давоми соли 2024 аз тарафи Кумитаи ҳифзи муҳити зисти назди Ҳукумати Ҷумҳурии Тоҷикистон сохтмони гармхона дар маркази ноҳия дар масоҳати 400 м2 оғоз гардида, дар 33-юмин солгарди Истиқлолияти давлатии Ҷумҳурии Тоҷикистон ба истифода дода шуд. Инчунин дар соли 2024 сохтмони 5 адад гармхонаҳои мавсимӣ дар Ҷамоати деҳоти Аличур аз тарафи БҶИИМК ВМКБ оғоз гардида, ба анҷом расиданд.

Таъмири асосии шуъбаи ҷарроҳӣ ва кӯдаконаи беморхонаи марказии ноҳия бо маблағгузории ташкилоти UNICEF Тоҷикистон дар давоми соли 2024 оғоз гардида, то ҷашни Ваҳдати миллӣ ба истифода дода мешавад.

Дар деҳаҳои Тохтамиш ва Шаймоқи ҷамоати деҳоти Қизилработ аз муассисаҳои таҳсилоти миёнаи умумӣ, бунгоҳи тиббӣ ва интернати наздимактабӣ дидан намуда, аз фаъолияти онҳо шароитҳои онҳо шинос шуданд.

Инчунин 21 марти соли равон муовини раиси Кумита дар барномаи Наврузии қисмҳои ҳарбии 04-12 Қушунҳои сарҳадӣ ва 15426-и Вазорати мудофиаи Ҷумҳурии Тоҷикистон дар ноҳияи Мурғоб иштирок намуда афсарон ва сарбозонро бо иди байналмилалии Навруз аз номи Ҳукумати Ҷумҳурии Тоҷикистон, раиси Кумитаи ҳифзи муҳити зисти назди Ҳукумати Ҷумҳурии Тоҷикистон табрик намуда, барои сарбозон дастархони идона ороста шуд.

Тибқи лоиҳаи “Электофикатсияи деҳот дар Тоҷикистон” дар ноҳияи Мурғоб сохтмони хати барқи 10-04 Кв, насбкунии ҳисобкунакҳо ва насби ноқилҳои барқӣ дохили хонаҳо дар деҳаҳои Аличур, Чечекти, Башгумбез, Булункул ва Харгуши ба охир расида, дар деҳаҳои Тохтамиш, Шаймоқ, Рангкул ва Каракул сохтмони хати барқи 10-04 кв идома дошта, ҳамаи таҷҳизотҳо ба ноҳия дастрас гардиданд.

Барои ҷавонони деҳаи Тохтамиши Ҷамоати Қизилработ майдончаи варзишии бозии футбол ба нақша гирифта шуда, то ҷашни Ваҳдати миллӣ ба анҷом расонида мешавад.

Оид ба кабудизоркунии назди бинои интернати деҳаи Шаймоқ 1 гектар замин ҷудо гардида, 400 метр симтур бо пояҳояш дода шуданд.

Бо мақсади татбиқи барномаву нақшаҳои созанда, васеъ намудани корҳои ободониву кабудизоркунӣ дар рафти сафари корӣ муовини раиси Кумита бо масъулини ҷамоатҳои шаҳраку деҳот суҳбат гузаронида, барои анҷом додани корҳо дар муҳлатҳои муқарраршуда супоришҳои дахлдор дода шуд.