Вохӯрӣ бо ҳайати коршиносони Фонди байналмилалии рушди кишоварзӣ (IFAD)               

                                          

Санаи 4 апрели соли ҷорӣ вохӯрии муовини якуми раиси Кумита бо ҳайати коршиносони Фонди байналмилалии рушди кишоварзӣ (IFAD) таҳти роҳбарии Роберто Лонго, роҳбари барномаҳои кишварии фонди мазкур доир ба муҳокимаи таҳияи Барномаи нави фонд барои Тоҷикистон барои солҳои 2026-2030 ва консепсияи лоиҳаи нав дар самти рушди чорводорӣ баргузор гардид.

Ҳадафи асосии барномаи нави таҳияшаванда ин муайян намудани самтҳои афзалиятноки миллӣ барои таҳияи лоиҳаҳо дар самти рушди соҳаи кишоварзӣ бо назардошти масъалаҳои тағйирёбии иқлим мебошад.

Аз ҷониби муовини раиси кумита доир ба чораҳои андешидашуда ва татбиқшаванда дар самти тағйирёбии иқлим ва афзалиятҳои миллӣ маълумот пешниҳод гардид.

Инчунин доир ба Барномаи кабудизоркунӣ барои давраи то соли 2040 маълумот пешниҳод гардид.

Дар раванди муҳокима аз ҷониби намояндагони Кумита пешниҳод гардид, ки ҳангоми таҳияи барнома ва лоиҳаи нав масъалаҳои мутобиқшавии соҳаи кишоварзӣ ба тағйирёбии иқлим, ҷорӣ намудани технологияҳои иқлимӣ дар самти чорводорӣ ба назар гирифта шаванд.

Дар анҷоми вохӯрӣ ҷонибҳо оид ба идома додани ҳамкорӣ дар раванди таҳияи Барнома ва лоиҳаи нав ба мувофиқа расиданд.