Аксияи экологӣ дар Корхонаи алюминии Тоҷикистон (ТАЛКО)               

                                          

Турсунзода, 22 майи соли 2025 — Дар Корхонаи алюминии Тоҷикистон (ТАЛКО) аксияи муҳими экологӣ бо иштироки фаъолонаи кормандони корхона баргузор гардид. Иқдом таҳти шиори «Муҳити тоза — масъулияти ҳар як шахс!» гузаронида шуда, ба беҳтар кардани ҳолати экологӣ дар ҳудуди корхона нигаронида буд.

Дар ҷараёни аксия кормандон қитъаҳои атрофи корхонаро аз партовҳо тоза намуданд, ба дарахтони мавҷуда нармӣ доданд ва обёрии ниҳолҳоро ба роҳ монданд. Ҳамзамон, якчанд гулбуттаҳо шинонда шуданд, ки ба зебоии муҳити корхона рӯҳу таровати тоза бахшиданд.

Раёсати корхона изҳор дошт, ки чунин иқдомҳо минбаъд низ идома хоҳанд ёфт:
«Мо ҳамчун як корхонаи саноатии бузург масъулияти хоса дар назди муҳити зист дорем. Ҳифзи табиат барои наслҳои оянда аз имрӯз оғоз мешавад».

Ин гуна чорабиниҳо на танҳо муҳити корро беҳтар месозанд, балки рӯҳияи масъулиятшиносии кормандонро дар самти ҳифзи муҳити зист тақвият мебахшанд.