.png){kind=logo}
.png){kind=logo}
Ҷаласаи 9-уми Шӯрои машваратии Соли байналмилалии ҳифзи пиряхҳо 2025 кӯшишҳоро дар самти ҳифзи пиряхҳо ва дипломатияи иқлимӣ тақвият дод
27 майи соли 2025 ҷаласаи 9-уми Шӯрои машваратии Соли байналмилалии ҳифзи пиряхҳо 2025 дар шакли гибридӣ — онлайн дар шаҳри Душанбе, Ҷумҳурии Тоҷикистон баргузор гардид. Дар он коршиносони пешқадами байналмилалӣ, намояндагони муассисаҳои илмӣ ва сохторҳои давлатӣ ширкат варзида, барои пешбурди ташаббусҳо ҷиҳати ҳифзи пиряхҳо ва мубориза бо тағйирёбии иқлим нерӯҳоро муттаҳид намуданд.
Мавзуи асосии ҷаласа арзёбии натиҷаҳои бадастомада дар доираи Соли байналмилалии ҳифзи пиряхҳо 2025, бознигарии ҳадафҳои стратегӣ то охири соли ҷорӣ ва омодагӣ ба иштирок дар чорабиниҳои муҳими байналмилалӣ, аз ҷумла Конференсияи тарафҳои чаҳорчубаи Конвенсияи СММ оид ба тағйирёбии иқлим (COP-30) буд.
Кушодашавии расмии ҷаласа бо сухани ифтитоҳӣ раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода оғоз гардид. Ӯ нақши муҳими Тоҷикистонро дар ташаббуси ҷаҳонӣ оид ба ҳифзи пиряхҳо қайд намуд.
Ба масъалаи нуфузи сиёсии натиҷаҳои Соли байналмилалии ҳифзи пиряхҳо 2025 дар сатҳи байналмилалӣ таваҷҷуҳи махсус дода шуд. Мубоҳисаҳо оид ба ворид кардани паёмҳои калидӣ ба рӯзномаи чорабиниҳо, аз ҷумла ҷаласаи-62 ёрирасон дар чаҳорчӯбаи Конвенсияи иқлимии СММ, ки моҳи июни 2025 дар шаҳри Бонн дар назар аст, Конфронси байналмилалии кӯҳӣ дар Инсбрук, сентябри 2025 ва Ҳафтаи ҷаҳонии захираҳои об шаҳри Стокҳолм, августи 2025 баргузор мегарданд. Дар доираи ин чорабиниҳо рӯзномаи махсус таҳти унвони «Пиряхҳо ва об» бо иштироки сарони давлатҳо ва ҳукуматҳо доир мешавад. Инчунин, фаъолиятҳои эҳтимолӣ дар доираи Ҳафтаи иқлимии Маҷмаи Умумии СММ дар Ню-Йорк, COP-30 дар Бразилия, Саммити G20 дар Йоҳаннесбург ва Форуми ҷаҳонии иқтисодӣ дар Давос дар моҳи январи соли 2026 дар назар дошта шудаанд.
Дар анҷом, иштирокдорон бо нақшаҳо оид ба баргузории чорабинии хотимавии Соли байналмилалии ҳифзи пиряхҳо, ки тахминӣ моҳи марти соли 2026 пешбинӣ шудааст, ошно гардиданд. Ин чорабинӣ натиҷагирии Соли байналмилалии ҳифзи пиряхҳоро дарбар гирифта, минбаре барои муттаҳидсозии минбаъдаи кӯшишҳо дар соҳаи ҳифзи пиряхҳо хоҳад буд.
Дар қисмати хотимавии ҳамоиш бахшида ба Соли байналмилалии ҳифзи пиряхҳо 2025 Шӯрои машваратӣ бори дигар садоқати худро нисбат ба истифодаи илм, дипломатия ва ҳамкориҳои байналмилалӣ барои нигоҳ доштани масъалаи ҳифзи пиряхҳо дар маркази рӯзномаи иқлимии ҷаҳонӣ таъкид намуд.
